វិធីសាស្រ្តដាំត្រកួនក្នុងសួនសម្រាប់ជាលក្ខណៈគ្រួសារ

វិធីសាស្រ្តដាំត្រកួនក្នុងសួនសម្រាប់ជាលក្ខណៈគ្រួសារ

១.អាចរៀបចំសួនតូចមួយសម្រាប់ជាលក្ខណៈគ្រួសារ

-ព័ទ្ធល្បង ជៀសវាងសត្វមាន់ចូលកកូរកកាយ

-ធ្វើដីឱ្យបានម៉ាត់ល្អ

-ដាក់ជីលាមក៌សត្វ (ដែលផ្អាប់ទុកប្រហែលជាកន្លះឆ្នាំ) លាយជាមួយផេះអង្កាម

២.​ កាយដី ជារង ដែលមានរាងជាការ៉េ​  ឬចតុកោណ

-​យកក្បាលដីរងខាងលើចេញ ឱ្យបានជម្រៅប្រហែល ២ ស.ម  រួចយកដីស្រែផ្នែកលើមកដាក់ជំនួសវិញ

-រក្សាទុកជម្រៅនៃផ្នែកខាងលើ ឬលំហូរទឹកឱ្យបានប្រហែល ១/២ ស.ម

-ដាក់ទឹក​ឱ្យលិចដី ឱ្យបានសើមៗ ឬប៉ក់ៗ

៣.ការដាំ ឬ ការព្រួសគ្រាប់ត្រកួនខ្មែរ

-ត្រូវជ្រើស ពូជគ្រាប់ត្រកួនខ្មែរល្អៗ

-មុនពេលដាំ ត្រូវត្រាំទឹក នូវគ្រាប់នោះឱ្យបានមួយយប់សិន រួចចាំយកមកព្រួស

៤.​ការដាក់ទឹក/ផ្គត់ផ្គង់ទឹក

-ដាក់ទឹក ៣ទៅ ៥ ថ្ងៃម្តង

-បូមពន្លិច គល់វាប្រហែល ជា​១/២ ស.ម​

-ដកស្មៅ ឬថែរមិនឱ្យសត្វល្អិតចង្រៃស៊ី ដោយបេះ ឬ ស្រោចទឹកពេលព្រឹក និងល្ងាច

-ជៀសវាងការប្រើជីគីមីហួសប្រមាណ

៥.ការប្រមូលផល ទី១

-ជាធម្មតាត្រកួនអាចឱ្យទិន្នផលក្នុងរយៈពេលប្រហែលជាចន្លោះ ២ ទៅ ៣សប្តាហ៍ អាស្រ័យលើការថែរទាំ

-ការប្រមូលផលអាចកាត់វា​ដោយរក្សារគល់ឱ្យបានប្រវែងជាកន្លះ សង់ទីមែត្រ

-រួចដាក់ជីលាមក៌សត្វដែលលាយជាមួយដីស្រែផ្នែកក្បាលលើ និងបូមទឹកពន្លិចវា ឱ្យបានជោគជាំ

៦. ការប្រមូលផលលើកទី២ និងក្រោយមកទៀត

-ចន្លោះ ១ សប្តាហ៍ កន្លះ ទៅ ២ សប្តាហ៍

-ជៀសវាងការដើរជាន់ឈ្លី ធ្វើឱ្យគល់ត្រកួនខូចខាត

រក្សារសិទ្ធិដោយលោក  ខែម  ហន